«Omıkron» shtamy Ońtústik Amerıkaǵa jetti

NUR-SULTAN. QazAqparat – Frantsııada koronavırýs juqtyrý kórsetkishi artty, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Bir kún buryn COVID-19 juqtyrýdyń jańa jaǵdaılarynyń rekordtyq sany 350 000-nan asty, dep habarlady Densaýlyq saqtaý mınıstri Olıve Veran.

Densaýlyq saqtaý mınıstrliginiń basshysy bul sandar epıdemııa bastalǵannan beri eń joǵary bolyp tabylatynyn atap ótti. Salystyrý úshin sheneýnik ótken aptada vırýs juqtyrǵandardyń eń kóp sany táýlik ishinde 332 000 bolǵanyn aıtty.

Koronavırýstyń jańa «omıkron» shtamy Ońtústik Amerıkaǵa jetti. Brazılııada ol basym shtamǵa aınaldy, - dep málimdedi eldiń densaýlyq saqtaý mınıstri Marselo Keıroga.

Sondaı-aq, ol COVID-19 osy túrine baılanysty aýrýhanaǵa jatqyzý deńgeıiniń joǵarylaǵany týraly habarlady. Óz kezeginde epıdemıologtar jańa jyldyq demalystan keıin aýrýdyń óskenin atap ótti. Osy ýaqytta Brazılııada halyqtyń 60% - dan astamy koronavırýsqa qarsy vaktsınatsııalanǵan.