«Omıkron» shtamy Ońtústik Afrıkada koronavırýstyń tórtinshi tolqynyn týdyrdy

NUR-SULTAN. QazAqparat - Ońtústik Afrıkada koronavırýstyń «omıkron» shtamynan týyndaǵan pandemııanyń tórtinshi tolqyny bastaldy. Bul týraly COVID-19 taralýyna jol bermeý jónindegi VAK baspasóz qyzmeti habarlaıdy.

OAR Densaýlyq saqtaý mınıstri Djo Faahlanyń aıtýynsha, j ańa COVID-19 mýtatsııasy týraly habarlanǵannan keıin Ońtústik Afrıkada ınfektsııa juqtyrý jaǵdaılary kóbeıgen jáne negizinen koronavırýstyń sol jańa túri taraýda.

«Ótken beısenbide elde vırýsqa shaldyǵýdyń 2 465 jańa deregi tirkeldi, 3 qarashadaǵy jaǵdaı boıynsha 11 535 derek anyqtaldy. Táýliktik ósim jeti kún ishinde 9 000-ǵa artty», - dep atap ótti mınıstr.

Faahldyń aıtýynsha, «omıkron» nusqasy tez arada eldiń jeti provıntsııasyna taraldy jáne el bıligi bul protsesti baqylaý úshin barlyq is-sharalardy jasaýda.