«Omıkron» shtamy: Londonda tótenshe jaǵdaı jarııalandy

NUR-SULTAN. QazAqparat - Afrıkanyń eń kóp qonystanǵan eliniń biri-Nıgerııa bıligi covid-19 aýrýynyń tórtinshi tolqynyn jarııalady jáne aýrýdyń ósýin «delta» jáne «omıkron shtamdarynyń taralýymen baılanystyrdy.

Bul týraly QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.

Aýrýlardy baqylaý ortalyǵynyń basshysy Ifedaıo Adetıfanyń málimdemesinde aıtylǵandaı, sońǵy eki aptada aýrýdyń aıtarlyqtaı ósýi baıqaldy-shamamen 500 %.

«Nıgerııanyń 36 shtaty men federaldy astanalyq okrýginde 223 887 jańa jaǵdaı jáne 2 985 ólim derekteri tirkeldi. Qazir el Úkimeti KVI-ǵa qarsy kúreste kúsh-jigerdi jáne halyqty vaktsınatsııa týraly habardar etý, sondaı-aq vırýstyń taralýyn azaıtý úshin qaýipsizdik sharalaryn saqtaý jónindegi jumystar jandandy.

Eýropalyq Odaq elderiniń úkimetteri «omıkron» shtamynyń tez taralýyna baılanysty shekteý sharalaryn engizýde. Eń mańyzdy statıstıka Ulybrıtanııada, atap aıtqanda astanasy Londonda baıqalady – kúnine shamamen 25 myń ınfektsııa juqtyrý derekteri anyqtalýda.

Ulybrıtanııa astanasynyń meri Sadyq Han qalada tótenshe jaǵdaı rejımin engizdi. Osy ýaqytta Frantsııa men Germanııa brıtandyqtardyń óz memleketterine kirýine tyıym saldy, al Nıderlandy olar úshin mindetti on kúndik karantın engizdi. Búgingi tańda Ulybrıtanııa azamattary úshin 40-tan astam el jabyldy.