«Omıkron» shtamy qart adamdardaǵy negizgi aýrýlardy asqyndyryp jiberýi múmkin - Erjan Tólegenov

ALMATY. QazAqparat - «Omıkron» Covid-19 vırýsynyń jańa shtamy jáne osy vırýstyń mýtatsııasynyń nátıjesi bolyp tabylady. Bul týraly Almatydaǵy №11 qalalyq emhanasynyń mobıldi tobynyń dárigeri Erjan Tólegenov málimdedi, dep habarlaıdy QazAqparat tilshisi.

Dárigerdiń aıtýynsha, alǵashqy shtamdar sekildi «omıkronnyń» da ózindik ınkýbatsııalyq kezeńi, klınıkalyq kórinisi men asqynýlary bolady.

«Egde jastaǵy adamdar ınkýbatsııa kezeńi ótip jatqan adammen baılanysta bolǵanda jańa shtamdy juqtyrýy múmkin. Omıkronnyń sımptomatıkasy JRVI-ge óte uqsas, tipti, keıbir naýqastar vırýstyń tasymaldaýshysy ekenin bilmeýi de múmkin. Osylaısha olar vırýsty basqa adamdarǵa, týystaryna da juqtyra alady. Nátıjesinde eldegi epıdemıologııalyq jaǵdaıdy nasharlap, eresekter arasynda aýrýshańdyqty arttyrady», - dedi Erjan Tólegenov.

«Omıkron» belgileri ártúrli bolýy múmkin. Bas aýrýynan bastap, aıqyn entigýge deıin.

Spıkerdiń aıtýynsha, negizgi belgileri – bas aýrýy, murynnan sý aǵý, jutynǵanda tamaq aýrýy, dene qyzýynyń kóterilýi, omyrtqa, býyndar men bulshyqetterdegi aýyrsyný. Eger dıagnostıkalyq jáne emdik sharalar der kezinde bastalmasa, densaýlyq nasharlaı túsedi.

«Egde jastaǵy adamdarǵa keler bolsaq, olardyń sozylmaly aýrýlary bar ekenin, atap aıtqanda, olardyń kópshiligi júrek-qan tamyrlary, onkologııalyq aýrýlarmen, qant dıabetimen aýyrady, ókinishke oraı, «omıkron» negizgi aýrýdy aýyr asqyndyrýy múmkin», - dedi dáriger.

Erjan Tólegenov Covid-19-ǵa qarsy ımmýnıtetti damytýdyń turaqty jáne qaýipsiz joly vaktsınatsııa ekenin taǵy da eske saldy.