«Omıkron» elordalyqtardy vaktsına alýǵa ıtermeledi
«Aýrý deńgeıiniń, aýrýhanaǵa túsý dárejesiniń tómendeýi azamattardy vaktsına alý jáne qaıta vaktsınalaýmen baılanysty dep aıtýǵa bolady. Elordada jyl basynda «omıkron» shtamy paıda bolǵannan keıin vaktsınatsııa qarqyny birshama ósti. Azamattar qazirgi jaǵdaıǵa beı-jaı qaramaıtyn boldy. Vırýstyq ınfektsııanyń aýyr formada ótetinin túsingeni qýantady», - dedi Tımýr Muratov elorda ákimdiginde ótken brıfıng barysynda.
Onyń dereginshe, elordada 504 myńǵa jýyq azamat vaktsınanyń birinshi komponentin aldy. 471 myńnan astam adam ımmýndaýdyń tolyq kýrsynan ótti. Qaıtalama vaktsınany 73 myńnan astam turǵyn qabyldady. Osylaısha, qalada vırýstyń tez taralýyna jol bermeıtin belgili bir ımmýndyq qabat paıda boldy deýge bolady.
«Belgili kontıngentten Pfizer-diń eki komponentin qabyldaǵandar arasynda kóshbasshy retinde jasóspirimder tanylyp otyr – 19 myńnan astam bala. Odan keıin bala emizetin analar – 11 300-den jáne júkti áıelder – 700-den astam. Sondaı-aq, 60 jastan asqan adamdar, medıtsına qyzmetkerleri qazir Pfizer preparatymen qaıta vaktsınalanyp jatyr. Qala boıynsha 5 600-den astam qarııa Pfizer-men qaıta vaktsınalandy, medıtsına qyzmetkerleri arasynda - 11 800 adam», - dedi basqarma bastyǵy.