«Omıkron» birinshi ret janýardan anyqtaldy

NUR-SULTAN. QazAqparat – Nıý-Iorkta aqquıryq buǵydan omıkron shtamy anyqtalýy ǵalymdardy alańdatyp otyr, dep habarlaıdy QazAqparat Reuters-ke silteme jasap.

Nıý-Iorktaǵy Steıten-Aılendte ustalǵan 131 buǵydan qan men jaǵyndylardyń keıbir túrleri alyndy, nátıjesinde olardyń 15 paıyzynan vırýsqa qarsy antıdeneler anyqtaldy. Zertteýler qorytyndysy janýarlarda buryn koronavırýs ınfektsııasynyń bolǵanyn, sonymen qatar olardyń jańa shtamm juqtyrý múmkindigi joǵary ekendigin kórsetti, dep málimdedi Pensılvanııa shtaty ýnıversıtetiniń ǵalymdary.

Mamandardyń aıtýynsha, endi koronavırýstyń jańa shtamy buǵylardan juǵýy múmkin.Al AQSh-ta 30 mıllıon buǵy bar.

Omıkron shtamy birinshi ret jabaıy janýardan anyqtalyp otyr. Bul AQSh-ta koronavırýstyń osy shtamyn juqtyrý jaǵdaılarynyń kúrt ósýimen baılanysty.