Ombylyq áıel uıqydaǵy ulyn qushaqtaǵan kúıi toǵyzynshy qabattan sekirip ketti
ASTANA. QazAqparat - Beısenbige qaraǵan túni Omby qalasynda jeke ómirindegi qıyndyqtardan qajyǵan áıel segiz jasar ulymen birge toǵyzynshy qabattan sekirip ketti, ekeýi de sol jerde jantásilim etti. Bul týraly RF Tergeý komıtetiniń Tergeý basqarmasy habarlady, dep jazdy RIA Novostı.
«Aldyn ala boljam boıynsha, 2016 jyly 13 qazan kúni túngi ýaqytta otyz jastaǵy jergilikti turǵyn uıyqtap jatqan segiz jasar balasyn qolyna alyp, toǵyzynshy qabatta ornalasqan páter terezesinen sekirip ketken. Jerge qulaǵan ana men bala sol mezette kóz jumǵan», - delingen habarlamada.
Tergeý komıtetiniń habarlaýynsha, kúıeýimen ajyrasyp jatqan áıel ata-anasymen birge turǵan. Sekirerden buryn jeke sebepterine baılanysty bul qadamǵa barǵanyn túsindirgen hat qaldyryp ketken.
