Ombydaǵy kazarmanyń qıraýy saldarynan qaza tapqandardyń sany 9 adamǵa jetti
ASTANA. QazAqparat - Ombydaǵy kazarmanyń qıraýy saldarynan qaza tapqandardyń sany 9 adamǵa jetti, dep habarlady aımaq gýbernatorynyń baspasóz qyzmetinen.
Oblystyq densaýlyq saqtaý vedomstvosynyń baspasóz hatshysy Svetlana Ospennıkova RIA Novostı agenttigine onyń aqparatynsha 10 adam kóz jumdy dep málimdedi.
Segiz adam úıindiniń astynda ajal qushqany belgili. Taǵy bireýi aýrýhanada kóz jumdy.
Atalǵan fakt boıynsha «salǵyrttyq tanytý» babyna sáıkes qylmystyq is qozǵaldy.
Jeksenbi kúni keshke Svetlyı kentindegi 242-shi áskerı-desant áskeri (ÁDÁ) mamandaryn daıarlaýǵa arnalǵan oqý-jattyǵý ortalyǵy ǵımaratynyń tóbesi jáne qabyrǵalary opyryla qulaǵan.
Bul kezde kazarmada 337 adam bolǵan, onyń 38-i úıindiniń astynda qaldy. Qutqarý jumystary jalǵasyp jatyr.
Oqıǵanyń mán-jaıyn anyqtaýmen qorǵanys mınıstrliginiń komıssııasy aınalysyp jatyr. Reseılik BAQ derekkózderine silteme jasap, ǵımarat qulaýynyń sebepteriniń biri retinde turmystyq gazdyń jarylýy týraly nusqany qarastyrmaıtynyn habarlady.
