Ombyda «Zamandas» atty qazaq tilinde gazet jaryqqa shyqty
ASTANA. 15 qańtar. QazAqparat - Reseıdiń Omby qalasynda mádenı-aǵartýshylyq baǵyttaǵy qazaq tilindegi «Zamandas» gazetiniń alǵashqy sany shyqty.
Buǵan deıin Atameken gazeti shyǵyp turǵan, dep jazady «SýperOmsk» basylymy. Basylym «Shoqan joly» Qazaq dástúriniń qaıta órkendeýi» aımaqtyq qoǵamdyq uıymynyń muryndyq bolýymen jarııalandy. Buǵan deıin ol orys tilinde shyǵyp tursa, endi qazaq tilinde de jarııalanyp turmaq. «Bul - Ombydaǵy qazaq qaýymyna arnalǵan mádenı-aǵartýshylyq gazet. Onda dástúr, ádet-ǵuryp, mádenıet syndy máseleler qozǵalmaq. Qazaq tilin úırenýge bir bet arnaımyz. Sosyn Omby oblysynda turatyn adamdar jaıly jazamyz», - dedi Maksım Spotkaı. Basylymnyń birinshi sany Reseıdiń Azııalyq bóligindegi musylmandar dinı basqarmasy Sibir federaldyq okrýginiń múftıi marqum Anarbek Júnisovke arnalǵan. Gazettiń taralymy - 999 dana. Baǵasy áli naqtylanbaǵan. Qaı jerde satylatynyn qańtar aıynyń sońynda Qazaqstannyń Ombydaǵy konsýldyǵynan habarlanady.
