Ombyda terezeden laqtyryp jibergen balany qaǵyp alǵan er adam kóz jumdy
ASTANA. QazAqparat - Ombyda nashaqor ákesi terezeden laqtyryp jibergen úsh jasar balany qaǵyp alyp, aman alyp qalǵan er adam qaıtys boldy.
Eske salsaq, osy jylǵy naýryzda Vladımır Kýznetsov esirtkige esirgen ákesi úshinshi qabattaǵy terezeden laqtyryp jibergen balany aman alyp qalǵan. Tereze janynan ótip bara jatqan ol balany qaǵyp alǵan.
Saldarynan balanyń mıy shaıqalǵan. Alaıda tiri qaldy, onyń nashaqor ákesi segiz jylǵa sottaldy.
Vladımırdiń jesiri Olganyń aıtýynsha, osy keleńsiz jaǵdaıdan keıin eriniń densaýlyǵynda kinárat paıda bola bastaǵan kórinedi.
Balany qaǵyp alǵan oqıǵadan keıin Vladımır Kýznetsov tynys alýynyń nasharlaǵanyn aıtqan.
