Ombyda munara krany birneshe kólikti qıratyp, úsh adamdy óltirdi
ASTANA. QazAqparat - Munara krany avtomobılder men adamdardy basyp qaldy, dep jazdy FlashSiberia.
Agenttik aqparatynsha, Ombyda bolǵan oqys oqıǵa saldarynan eki bala men bir eresek adam qaza tapty. Taǵy eki adam aýyr jaraqat aldy. Bul keleńsiz jaǵdaı Jýkov kóshesinde jergilikti ýaqytpen saǵat 17.00 oryn aldy.
Oqıǵa ornynda tergeý toby, polıtsııa men medıtsına qyzmetkerleri jumys jasap jatyr. Kranshynyń ózi aman qaldy dep habarlandy. Aldyn ala málimetter boıynsha, apat eresek adamnyń, 8 jasar qyz ben bir jastaǵy balanyń ómirin qıdy. "Toıota" men "Sıbır" kólikteri áli de úıindilerdiń astynda.
