Ombyda kazarma opyrylyp túsip, 23 áskerı qyzmetker qaza tapty
ASTANA. QazAqparat - Ombyda kazarmanyń opyrylyp túsýi saldarynan 23 áskerı qyzmetshi ajal qushty, 19 adam zardap shekti. Olardyń jaǵdaıy aýyr dep baǵalanyp, ushaqpen Máskeýge jóneltildi.
Bul týraly Reseılik BAQ habarlady.
RF qorǵanys mınıstrliginiń resmı ókili Igor Konashenkov habarlaǵandaı, apattyń saldary ázirge belgisiz, alaıda sebebin arnaıy komıssııa anyqtaıtyn bolady.
Budan buryn ǵımaratty salý kezinde qurylys tehnologııasy buzylǵan degen boljam aıtylǵan. Alaıda ǵımaratty salýshylar nysandy tapsyrý kezinde áskerıler kemshilik tappaǵanyn málimdegen. Sondaı-aq, taıaýda júrgizilgen jóndeý jumystary kezinde qurylys konstrýktsııasyna ózgeris engizilgen bolýy múmkin degen de boljam bar.
