Ombyda Qazaqstannyń ınvestıtsııalyq múmkindikteri tanystyryldy
Omby oblysynyń ekonomıka mınıstri R. Galıamovtyń qatysýymen Omby qalasynyń bıznes-qaýymdastyq ókilderi úshin Qazaqstannyń ınvestıtsııalyq múmkindikteriniń jáne «Astana» halyqaralyq qarjy ortalyǵynyń (budan ári - AHQO) tanystyrylymy ótti.
AHQO basqarýshy dırektory Aıdar Qazybaev AHQO alańynda aǵylshyn jalpy quqyǵy, sondaı-aq táýelsiz sot jáne tórelik jumys isteıtinin atap ótti. Sonymen birge sot otyrysynyń qatysýshylary tóreshilerdi, onyń ishinde Reseı Federatsııasynan da, daýdyń qaralatyn tilin óz betinshe tańdaýy múmkindigi bar ekenin, sonymen qatar, reseılik kásipkerler úshin Astananyń geografııalyq qoljetimdiligin atap ótti.
«Oral-Sibir aımaǵynyń ınvestıtsııalyq jáne qarjylyq-ónerkásiptik kásiporyndaryn AHQO alańyna tartý Qazaqstan Respýblıkasy men Reseı Federatsııasynyń óńiraralyq yntymaqtastyǵyn nyǵaıtýdyń mańyzdy mindeti bolyp tabylady. 2019 jyldyń kúzine josparlanǵan Qazaqstan men Reseıdiń transshekaralyq yntymaqtastyq Forýmynyń bastalýymen taraptar AHQO sheńberinde ózara tıimdi yntymaqtastyqtyń naqty jobalaryn kórsetýge nıetti», - dedi A. Qazybaev.
Tusaýkeser barysynda qatysýshylarǵa AHQO alańynda erekshe ınstıtýtsıonaldyq jaǵdaı týraly jáne qarjy quraldarynyń keń aýqymdy qoljetimdilik, Ombydaǵy shaǵyn jáne orta bıznes (ShOB), onyń ishinde batys jáne azııalyq naryqtardyń odan ári damýyna qosymsha qarajat tarta alatyny týraly aqparat berildi.
Sondaı-aq, spıkerler AHQO ınfraqurylymy QHR «Bedeý jáne jol» bastamasy úshin platforma bolatynyn atap ótti. Infraqurylymdyq jobalardy qarjylandyrý tetigi AHQO bırjasymen (AIX) qamtamasyz etiledi.
Tusaýkeserdiń sońynda ekijaqty kezdesýler ótkizildi, onda ShOB ókilderi qoıǵan suraqtaryna tolyq jaýap aldy, sondaı-aq AHQO saıtynda tirkeý protsedýrasy jáne qatysýshylardy qoldaý týraly keńes aldy.