Ombyda Batys Sibir qazaqtarynyń ulttyq mádenıetine arnalǵan monografııa jaryqqa shyqty
«Qasqat aýylynyń qazaqtary: Batys Sibir qazaqtarynyń mádenıetindegi dástúrler men ınnovatsııalar» atty basylymynyń tanystyrylymy Omby ǵylymı ortalyǵynda ótti, dep habarlady Sibir aımaǵy ákimshiliginiń baspasóz qyzmetinen.
«Monografııanyń avtorlary - Reseı ǵylym akademııasy Sibir bóliminiń arheologııa jáne etnografııa ınstıtýty Omby fılıalynyń dırektory, tarıh ǵylymdarynyń doktory N.A.Tomılov pen joǵary ǵylymı qyzmetker, tarıh ǵylymdarynyń kandıdaty Sh.K.Ahmetova.
Monografııa dotsent Nıkolaı Tomılovtyń basshylyǵymen Omby memlekettik ýnıversıteti tarıh fakýltetiniń stýdentteri 1976 jyly jasaǵan etnografııalyq ekspedıtsııa materıaldarynan turady. Bıylǵy jyly Omby etnografııasyndaǵy Batys Sibir qazaqtarynyń mádenıeti men etnıkalyq tarıhy zerttele bastady dep sanaýǵa bolady », - dep jazylǵan habarlamada.
Materıaldar ondaǵan jyldar boıy túrli ekpedıtsııalarda jınaldy. Eńbek Batys Sibirdiń ońtústigindegi qazaqtardyń XX ǵasyrdyń sońy men XXI ǵasyrdyń basyndaǵy etnografııasy men XVI ǵasyrdyń sońy men XX ǵasyrdyń basyndaǵy Sibir qazaqtarynyń etnıkalyq úrdisterin, sondaı-aq, qazaq mádenıetindegi dástúrler men ınnovatsııalaryn zertteýge arnalǵan.
