Ombyda astaý jasaıtyn alǵashqy qazaq sheberhanasy ashyldy

NUR-SULTAN. QazAqparat - Reseıdegi «Qazaq mádenıetiniń Sibir ortalyǵynyń» múshesi Áskerbek Bogýmbaev Reseı Federatsııasynyń Omby qalasynda qazaqy úlgidegi astaý shyǵaratyn sheberhana ashty. Bul týraly «Otandastar qory» AQ baspasóz qyzmetinen habarlandy.

Áskerbek Bogýmbaev 2018 jyly «Otanastar qorynyń» qoldaýymen uıymdastyrylǵan kishi Quryltaıǵa qatysqan bolatyn. Qazaqy astaýlar shyǵarý týraly ıdeıa sol quryltaıda kelgen eken.

«Osy Quryltaıda Toǵaıbaı Nurmuratulymen tanystym. Toǵaıbaı aǵa meni óziniń energetıkasymen tań qaldyrdy. Biz pikir almasa kele, oılarymyz ben maqsattarymyzdyń birdeı ekenin túsindik. Bastysy - bizdiń qazaq mádenıetimizdiń damýy, bizdiń dástúrlerimizdi saqtap qalý. Biz sondaı-aq halyqtyq qoldanbaly qolóneriniń damýyna, ásirese astaý óndirýge erekshe toqtaldyq. Toǵaıbaı aǵa maǵan astaý óndirisine arnalǵan sheberhanany ashýdy jáne bul jumysty uıymdastyrýǵa kómektesetinin jetkizdi. Quryltaı aıaqtaldy, men jańa tanyssymmen qoshtastym, biraq bul sońǵy kezdesý bolmaıtynyn túsindim. Al mine ýaqyt kele men Reseıdegi «Astaý» óndirisi sheberhanasynyń jetekshisimin!», - deıdi Ásker Bogýmbaev.

Áskerbek Bogýmbaev Omby qalasynda «Astaý» ónimderin óndirýge arnalǵan sheberhananyń ashylýyna járdemdesken «Jýsan» halyqaralyq kásipkerler qaýymdastyǵynyń tóraǵasy Rysbek Toǵaıbaıǵa jáne «Otandastar qory» KEAQ-na alǵysyn bildiredi.