Ombyda 22 jastaǵy alaıaq 20 tonna syrany urlap ketken
ASTANA. QazAqparat - Ombyda 22 jastaǵy jergilikti turǵyn zaýyttan 20 tonnadan astam syra urlap ketti, dep habarlady Lenta.rý
Kúdikti kósheden taýyp alǵan bóten bireýdiń tólqujatyna óziniń sýretin japsyryp, tanysynan alǵan júk kóligimen (jalǵan memlekettik nómirmen) ǵalamtor arqyly syra jetkizýge tapsyrys berýshini taýyp, onyń atynan syra qaınatatyn zaýytqa jalǵan qujatpen barǵan. Tıelgen syra quny mıllıon rýblden asqan. Jigit júgimen birge Omby qalasyna jaqyn jerdegi Amýr eldi-mekenindegi avtoturaqqa baryp, satyp alýshymen kelisip, barlyq taýardy 250 myń rýblge ótkizip jibergen. Bul áreketinen keıin jigit turǵylyqty jerine barmapty. Polıtseıler beıne baqylaý kameralary arqyly júk kóligin anyqtap, sońyra onyń júrgizýshisin tapty. Kúdikti ustalyp, oǵan alaıaqtyq jasady degen aıyp taǵyldy. Ol 2 jylyn temir tordyń ar jaǵynda ótkizýi múmkin.
