Ombyda 12 jasar bala órtenip jatqan úıden eki balany qutqardy
ASTANA. QazAqparat - 12 jasar bala órtenip jatqan úıden inisi men qaryndasyn qutqardy, dep habarlaıdy TJM-niń aımaqtaǵy baspasóz qyzmetinen.
Órt sársenbi kúni keshke jekemenshik úıde oryn alǵan. Órt shyqqan kezde, úıdiń ishinde eki er adam men úsh bala bolǵan. Anasy dúken aralap ketken.
Balalardyń úlkeni, 2004 jylǵy ul jaryqtyń óshkenin baıqady. Ol ne bolǵanyn teksermek bolǵan shaqta úıdiń kireberis bólmesinde elektr qalqanynyń ushqyndap, odan keıin órtengenin kórdi. Bala birde jatyn bólmege júgirip, onda júrgen 2010 jylǵy inisi men 2013 jylǵy qaryndasyn úıden alyp shyqty. Al eresekterdi oıatý úshin úıge oralǵanda, bólmeler tútinge tolyp, balanyń qaıtadan dalaǵa júgirip shyǵýyna týra kelgen.
Tergeý organdarynyń málimetterinshe, 39 jáne 52 jastaǵy eki er adam alkogoldik mas kúıinde boldy. Olar ıis tıip kóz jumdy.
TJM-niń aldyn ala málimetterinshe, órttiń shyǵýyna elektr symdarynyń tuıyqtalýy sebep bolǵan.
