Omby-Pavlodar jáne Qalbataý-Maıqapshaǵaı joldary 4,5 jylda salynady

PAVLODAR. QazAqparat - Jalpy uzaqtyǵy 900 shaqyrym Omby-Pavlodar jáne Qalbataý-Maıqapshaǵaı joldarynyń qurylysy bastalyp ketti, dep habarlaıdy QazAqparat tilshisi.

«Bul keleshegi bar joba, artyqshylyqtary birden kórinedi. Reseı tranzıttik dáliz ashylady. Joba 4,5 jylda aıaqtalady dep josparlanǵan, osy ýaqyt aralyǵynda qaıta 900 shaqyrym jol salý kerek bolady», - dedi «Qazavtojol» ulttyq kompanııasynyń dırektory Valentın Tsoı.

Qazaqstannyń Reseıdegi elshiliginiń aqparaty boıynsha, ár jolǵa 120 mıllıard teńge kólemindegi qarajat bólingen. Jol qurylysymen qazaq jáne qytaı kompanııalary aınalysýda.

Sondaı-aq, elshilik ókilderiniń aıtýynsha, bul baǵyt boıynsha saǵatyna 120 shaqyrym jyldamdyqpen segiz myńǵa jýyq kólik júrip ótedi dep josparlanǵan.