Omby oblysynda Qazaqstan men Qytaı taýar óndirýshiler ortalyǵy ashylady
ÝFA. QazAqparat - Omby oblysynda Qazaqstan men Qytaı taýar óndirýshiler ortalyǵy ashylady. Bul týraly ShYU men BRIKS qatysýshy-elderi óńirleriniń III shaǵyn bıznes forýmynyń plenarlyq otyrysynyń qorytyndysynda Omby oblysynyń gýbernatory Vıktor Nazarov málimdedi, dep habarlaıdy «QazAqparat» HAA menshikti tilshisi.
«Biz Manchjýrııada Omby óńiriniń taýar óndirýshileriniń saýda úıin ashtyq. Tıisinshe, biz Omby oblysynda Qytaı men Qazaqstan taýar óndirýshileriniń ónimderin satýǵa arnalǵan osyndaı saýda úıin ashý ıdeıasyn zertteýdemiz. Bul joba qazir pysyqtalyp jatyr. Taýarlardy kedendik resimdeý týraly zańnamaǵa, bajsyz saýdaǵa qatysty máseleler boıynsha jumys toby qurylady», - dep habarlady Nazarov.
Omby oblysynyń gýbernatory jobany júzege asyrý kelesi jylǵa josparlanǵanyn aıtyp ótti. «Qazaqstanmen jaǵdaı túsinikti. Qytaımen máseleni sheship jatyrmyz. Kelesi jyly atalmysh jobany júzege asyramyz dep oılaımyn», - dedi Nazarov.
