Omby oblysynda arheologtar 3 myń jyl burynǵy qarýly sarbazdyń qabirin tapty
ASTANA. QazAqparat - Omby oblysynda mádenı nysanǵa jóndeý jumystaryn júrgizý barysynda arheologtar shamamen 3 myń jyl burynǵy birneshe molany tapty.
Onyń ishinde qarýly sarbaz qabiri bar. Odan qarý, áshekeı, basqa da qoladan jasalǵan zattar shyqty.
Tabylǵan zattardan, mamandardyń aıtýynsha, jerlengen sarbazdyń óz ortasynda qadirli nemese ataqty adam bolǵany baıqalady.
«Jerleý rásiminiń taǵy bir qyzyqty ereksheligi: sarbaz aıqasqa ázirlengendeı jerlengen - ol qanjar men pyshaqty qolyna jaýǵa shabatyndaı qysyp ustaǵan, al onyń qasynda balta jatyr», dep jazady Omby oblysy úkimetiniń baspasóz qyzmetine silteme jasaǵan «Ýtro.rý».
