«Omby-Maıqapshaǵaı» trassasynda kólik aýdarylyp, 3 adam qaza tapty
ÓSKEMEN. QazAqparat – «Omby-Maıqapshaǵaı» tasjolynda jol apatynan 3 adam mert boldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy «Omby-Maıqapshaǵaı» tasjolynda Pavlodar oblysyna 1 shaqyrym qalǵanda bolǵan.
«Honda» markaly avtokólik júrgizýshisi jyldamdyqty ruqsat etilgen shekten asyryp jibergen. Kenet rýlge ıe bola almaı qalyp, kólik aýdarylyp túsken. Jol apaty saldarynan júrgizýshi men eki jolaýshy sol jerde kóz jumdy», - dep habarlady vedomstvo ókilderi.
Qazirgi ýaqytta polıtsııa qyzmetkerleri atalǵan fakti boıynsha QR Qylmystyq kodeksiniń 345-baby 3 jáne 4-bólikterine sáıkes sotqa deıingi tergeý amaldaryn júrgizip jatyr.
