«Omby - Maıqapshaǵaı» trassasynda eki adam mert bolyp, tórteýi zardap shekti
PAVLODAR. QazAqparat - Pavlodar oblysynda jol apatynan eki adam qaza bolyp, taǵy tórteýi zardap shekti, dep habarlaıdy QazAqparat pavlodarnews.kz saıtyna silteme jasap.
Oblystyq Polıtsııa departamentiniń baspasóz qyzmetinen málim etkendeı, oqıǵa Pavlodar aýdanyna qarasty Naberejnoe aýylynyń mańynda boldy.
«17 aqpan kúni saǵat 10.27 shamasynda «Omby - Maıqapshaǵaı» tasjolynda, Naberejnoe aýylynyń janynda jol apaty tirkeldi. «Ford» jáne «Honda» markaly avtokólikter soqtyǵysqan. Saldarynan «Hondada» otyrǵan eki adam kóz jumdy», - dedi departamentten.
Ravlodarnews.kz aqparatyna sáıkes, ajal qushqandar 41 jáne 44 jasta bolǵan erli zaıyptylar.
Sondaı-aq kólikterdiń júrgizýshileri men eki jolaýshy túrli jaraqatpen Pavlodar qalasynyń aýrýhanasyna jetkizildi.
Atalmysh fakti boıynsha QR QK-niń 345-babyna sáıkes sotqa deıingi tergeý amaldary bastaldy.
