Omby-Maıqapshaǵaı tasjolynda jaıylyp júrgen 40 jylqynyń ıesi jazalandy
PAVLODAR. QazAqparat – Jelezınsk aýdanynda Omby-Qapshaǵaı tasjolynda ıesiz 40 bas jylqy jaıylyp júrgen, dep habarlaıdy QazAqparat tilshisi.
«Prıırtysh aýyly mańynda Omby-Maıqapshaǵaı tasjolynda polıtseıler ıesiz jaıylyp júrgen maldy anyqtady. 40 bas jylqy jolda jaıylyp, apattyq jaǵdaı týdyrdy», - dedi Pavlodar oblysy Jelezınsk aýdandyq jergilikti polıtsııa qyzmetiniń bastyǵy Erlan Serikbaev.
Onyń aıtýynsha, jylqylardy aıyppul turaǵyna qoıǵan.
Mal ıesi anyqtalyp, oǵan qatysty ákimshilik hattama toltyryldy. Polıtseıler turǵyndarǵa aýylsharýashylyq maldardy jaıylymǵa jiberý erejelerin saqtaýdy eskertedi. Onyń saldary apatqa nemese barymtaǵa ákelip soqtyrady.
