Omby - Maıqapshaǵaı avtojoly júk kólikteri úshin aqyly bolady
ÓSKEMEN. QazAqparat - Shyǵys Qazaqstan oblysynyń ákimi Ermek Kósherbaev osy joldyń bir ýchaskesine bardy. Jobada problemalar bolǵan, biraq qazir qurylys jumystary máresine jetip qaldy, dep habarlaıdy QazAqparat.
ShQO arqyly ótetin 231 shaqyrym joldyń 162,4 shaqyrymynda jumystar aıaqtaldy, qalǵan ýchaskede asfalttyń tómengi qabaty salyndy.
Avtomobılder saǵatyna 70 km-den aspaıtyn ruqsat etilgen jyldamdyqpen júre alady.
Qazir nysanda qazaqstandyq-qytaılyq kompanııalar jumys istep jatyr. Munda 214 tehnıka jáne 400-den astam adam jumyldyrylǵan.
Jobanyń quny - 84 mlrd teńge.
Aıta keteıik, jol qaryz qarajatyna salynǵan. Sondyqtan paıdalanýǵa berilgennen keıin júk kólikterine trassada júrý aqyly bolady.
Al ruqsat etilgen jyldamdyq - 120 km/saǵ.
Sondaı-aq, jol boıynda bes demalys orny jabdyqtalady.
