Omby qalasynyń mańynda týrıster mingen avtobýs aýdaryldy
ASTANA. 28 shilde. QazAqparat - Omby oblysynda 42 jolaýshy mingen avtobýs apatqa ushyrǵan, dep habarlady RBK ІІD aımaqtyq basqarmasyna silteme jasap.
Ekaterınbýrgtyq týrıster mingen avtobýs Okýnevo aýylynan shyqqan. Shuńqyrdy aınalyp ótpek bolǵan avtobýs júrgizýshisi kólikti basqara almaı jol jıegine shyǵyp ketken, nátıjesinde avtobýs aýdarylǵan.
Barlyq 42 jolaýshy tekseristen ótýge aýrýhanaǵa jetkizildi, alǵashqy málimetter boıynsha, 18 jolaýshy aýrýhanaǵa jatqyzylǵan.
Juma kúni Irkýtsk oblysynda Bratsk qalasy mańynda jolaýshylar avtobýsy men jeńil avtokólik soqtyǵysqanyn esterińizge sala keteıik. Oqıǵa saldarynan avtokólik júrgizýshisi kóz jumdy .
Buǵan uqsas jol-kólik oqıǵasy Altaı ólkesinde de oryn aldy. Jolaýshylar avtobýsy men jeńil avtokólik soqtyǵysýy saldarynan 5 jolaýshy zardap shegip, aýrýhanaǵa jatqyzyldy.
