Omby qalasyndaǵy qazaq zıratyn eshkim qoparǵan joq - QR SІM
ASTANA. QazAqparat - Buǵan deıin áleýmettik jelilerde Maksım Spotkaı esimdi qoldanýshy vıdeo taratyp, qazba jumystary Omby qalasyna jaqyn qazaq zıratynda júrgizilip jatqanyn jetkizgen. Ol jerde buryn Qarjas aýyly bolǵan, dep xabarlaıdy QazAqparat tilshisi.
"Biz Ombydaǵy konsýlymyz arqyly avtordyń vıdeosyn tekserip shyqtyq. Ondaǵy málimetter durys kórsetilmegen. Omby qalasy ákimshiliginiń sáýlet jáne qala qurylysy departamenti zırat aımaǵynda qazba jumystaryna ruqsat bermegenin jetkizdi. Ol jerde qurylys jumystary da júrgizilip jatqan joq. Vedomstvonyń aqparatyna sáıkes, musylmandardyń burynǵy zıraty boıymen káriz júıesiniń qubyrlaryn tartqan. Qurylys texnıkasy sol úshin qoldanyldy", - dep jazdy QR Syrtqy ister mınıstrliginiń baspasóz xatshysy Ánýar Jaınaqov óziniń paraqshasynda.
Onyń sózine qaraǵanda, Omby qalasyndaǵy Qazaqstan konsýldyǵy qala basshysynyń mindetin atqarýshy Sergeı Frolovtyń atyna resmı xat joldap, osy oqıǵaǵa qatysty túsinik berýdi surady. "Bilýimshe, qazir ol jerde barlyq jumystar toqtatyldy", - dep atap kórsetti Jaınaqov.
