Omby gýbernatory Vıktor Nazarov bastaǵan delegatsııa Pavlodarǵa keldi
ASTANA. QazAqparat - Búgin Pavlodar oblysyna gýbernator Vıktor Nazarov bastaǵan Omby oblysynyń resmı delegatsııasy keldi. Delegatsııanyń quramynda memlekettik mekemelerdiń, bıznes qaýymdastyqtyń ókilderi bar.
Bul týraly oblys ákiminiń baspasóz qyzmeti málim etti, dep habarlaıdy pavlodarnews.kz.
Delegatsııa eń aldymen Omby oblysyna kórshiles jatqan Jelezın aýdanyndaǵy «Pahar» JShS-niń agroqalashyǵynda boldy. Qonaqtar 4200 bas asyl tuqymdy mal ósiretin sharýashylyqtyń jumysymen tanysty. Qazirgi kezde munda óndiristik jáne mádenı-saýyq kesheni, 12000 tonnalyq kókónis qoımasy bar, jaqynda kásiporyn shetelden 1200 bas asyl tuqymdy mal satyp aldy. Jospar boıynsha tústen keıin Dostyq úıiniń úlken zalynda aımaq basshylarynyń resmı kezdesýi ótedi. Jıyn barysynda shekaralas aımaqtardyń ınvestıtsııalyq jáne ekonomıkalyq áleýeti tanystyrylady. Sonymen qatar, eki tarap aımaqtar arasyndaǵy saýda-ekonomıkalyq, ǵylymı-tehnıkalyq, mádenı jáne ózge salalardaǵy baılanystardy nyǵaıtý týraly kelisimshartqa qol qoıady.
Reseı delegatsııasynyń baǵdarlamasy boıynsha Nazarbaev zııatkerlik mektebine, «Pavlodar munaı-hımııa zaýyty» JShS-ne, «Neftehım LTD», «Kazenergokabel» AQ-na barý kózdelgen. Eń sońynda delegatsııa «Pavlodar» arnaıy ekonomıkalyq aımaǵyna barady. Omby men Pavlodar oblystarynyń arasyndaǵy shekara 265 kılometrdi quraıdy. Aımaq kórshiles oblystyń senimdi saýda seriktesi bolyp tabylady. Eki óńirdiń arasyndaǵy saýda aınalymy jylyna shamamen 100 mln. dollarǵa jetedi.
Aıta ketken jón, Omby jáne Pavlodar qalalary 2015 jyly Pavlodar qalasynyń resmı sapary kezinde baýyrlas qalalar bop tanyldy. Sáýir aıynda Ombyda Pavlodar oblysynyń kúnderi ótedi. Shekaralas árekettestiktiń sheńberinde Pavlodar qalasy shyǵarmashylyq ujymdarynyń kontserti men sýretshiler kórmesin ótkizý josparlanyp otyr. Taraptardyń aıtýy boıynsha osy sapar eki jaqqa da tıimdi árekettestikti odan saıyn damytýǵa múmkindik beredi.
