Ombýdsmen janyndaǵy Sarapshylar keńesiniń kezekti otyrysy ótti
ASTANA. Qyrkúıektiń 28-i. QazAqparat - Búgin, qyrkúıektiń 28-inde Astanada Adam quqyqtary jónindegi ýákil Asqar Shákirovtiń tóraǵalyǵymen onyń janynda jumys isteıtin Sarapshylar keńesiniń kezekti otyrysy ótti. Bul týraly Qazaqstan Respýblıkasyndaǵy Adam quqyqtary jónindegi ýákil apparatynyń baspasóz qyzmetinen habarlady.
Quramyna quqyqtanýshy ǵalymdar, sondaı-aq quqyq qorǵaýshy uıymdardyń ókilderi kiretin Sarapshylar keńesiniń negizgi tapsyrmasy Ombýdsmenge adam quqyqtary men bostandyqtary salasynda zańnamany jetildirý jáne ony halyqaralyq standarttarǵa sáıkes keltirý jónindegi usynystardy jasaýda konsýltatıvtik kómek kórsetý bolyp tabylady.
Keńestiń otyrysynda Qazaqstan Respýblıkasynyń Zań shyǵarý ınstıtýtynyń dırektory professor J.D. Busyrmanov onyń tóraǵasy bolyp saılandy, sondaı-aq basqa máseleler qaraldy.
Otyrystyń qatysýshylary osy keńestiń jumysyn jandandyrý qajettiligi jóninde ortaq pikir bildirdi.
