OMBÝDSMEN TÝRALY ZAŃ QABYLDAÝYMYZ KEREK – PREZIDENT
«Adam quqyǵyn qorǵaý salasy dáıekti túrde jetildirýge tıis. Ony ınstıtýtsonaldyq jáne uıymdastyrý jaǵynan nyǵaıta túsýimiz qajet. Mysaly, bizde ombýdsmen ınstıtýty bar. Biraq, ol ázirge óziniń áleýetin tolyq kórsete almaı otyr. Sondyqtan jaqyn arada ombýdsmen týraly arnaýly zań qabyldaýymyz kerek. Bul zań atalǵan ınstıtýttyń qyzmetin barlyq baǵyttar boıynsha retteıdi. Tıisti mamandar bolmasa jáne uıymdastyrý jumystary jasalmasa ombýdsmen qyzmetin zańnamalyq turǵydan qamtamasyz etý qıynǵa soǵady», - dedi Memleket basshysy.
QR Prezıdenti adam quqyqtaryna baılanysty negizgi máseleler óńirlerde baıqalyp otyrǵanyn basa aıtty.
«Jergilikti bıliktiń úsinen aryz-shaǵymdar kóp túsedi. Sondyqtan ombýsdmen ınstıtýtyn eń aldymen aımaqtarda kúsheıtý qajet. Adam quqyǵy jónindegi ýákildiń apparatyn nyǵaıtýymyz kerek», - dedi Qasym-Jomart Toqaev.
