Ombýdsmen men ıÝNISEF ókili áıelder túrmesindegi balalar úıinde boldy
Baspasóz málimetterine qaraǵanda, halyqaralyq uıym ókilderi bet alǵan túzeý mekemesi - aýmaǵynda balalar úıi ornalasqan Qazaqstandaǵy qylmystyq-atqarý júıesindegi jalǵyz mekeme bolyp tabylady. Sapardyń maqsaty - bas bostandyǵynan aıyrý oryndarynda jas balalarǵa qatysty máselelerdi zerdeleý boldy.
Belgili bolǵandaı, osy máselege baılanysty túrli usynystar sonyń ishinde, balalar úıin túrme aýmaǵynan shyǵarý, sondaı-aq júkti áıelderge jáne kishkentaı balalary bar áıelderge jazasyn keıinge shegerýdi qamtamasyz etý jónindegi usynystar berildi.
Mekemedegi sottalǵan analarmen jáne túrme ákimshiligimen ótkizilgen áńgimelesýler ananyń balasymen ajyraýy birjolata teris saldarǵa ákelýi múmkin degen kózqarasty rastady, sebebi tabıǵı jáne qajetti turaqty baılanys anaǵa oń áserin tıgizedi jáne balanyń tolyqqandy damýy úshin qajetti alǵysharttar jasaıdy.
Bostandyǵynan aıyrylǵan áıeldiń ótinishi týraly BUU-nyń jalpyǵa birdeı tanylǵan standarttaryna sáıkes (N. Mandelanyń erejesi jáne Bangkoktik ereje) balany túrmede ata-anasynyń birimen birge qaldyrý týraly sheshim balanyń eń jaqsy múddelerine negizdelýi tıis.
Shet memlketterdiń tájirıbesin taldaý, bas bostandyǵynan aıyrý oryndarynda ana men balanyń qarym-qatynasyn belgili bir jasqa tolǵanǵa deıin olardyń birlese ómir súrýin qamtamasyz etý qajettigin kórsetip otyr.
Qyzmetkerlerdiń jalaqysynyń tómendigi jáne mekemeniń qaladan alystyǵyna baılanysty balalar úıinde kadrlyq sonyń ishinde, bilikti medıtsınalyq qyzmetpen qamtamasyz etý máselesi asa mańyzdy bolyp tabylady.
Joǵaryda aıtylǵandardyń negizinde Ombýdsmen jáne ıÝNISEF ókilimen ýákiletti memlekettik organdarǵa jiberiletin birqatar tıisti usynystar ázirlendi.
