Ombýdsmen azaptaýlarǵa qarsy ÚEU Koalıtsııasynyń jarııalanymyna qatysty pikir bildirdi

ASTANA. KAZINFORM — QR Adam quqyqtary jónindegi ýákil Artýr Lastaev azaptaýlarǵa qarsy ÚEU Koalıtsııasynyń jarııalanymyna qatysty pikir bildirdi. 

— Jaqynda (2025 jylǵy 13 mamyrda) portaldardyń birinde «Qazaqstandaǵy azaptaý jaǵdaıy týraly quqyq qorǵaýshylar naqty ahýaldy baıandady» degen ataýmen maqala jarııalandy. Onda Qazaqstandaǵy azaptaýlarǵa qarsy úkimettik emes uıymdar Koalıtsııasy eldegi azaptaý faktilerine qatysty belgili bir baıandama daıyndaǵany aıtylǵan. Sondaı-aq bul jobany qazaqstandyq quqyq qorǵaýshylar Eýropalyq odaqtyń qarjylyq qoldaýymen iske asyryp jatqany erekshe atap ótilgen, — dep jazdy ol.

Ombýdsmen baıandama arqyly eldegi jaǵdaıǵa obektıvti baǵa berýge talpynyp otyrǵanyna baılanysty pikir bildirgenin aıtqan.

— Maqala mátininen ańǵarǵanymyzdaı, «baıandamada» elimizde belgili bir oń ózgeristerge qaramastan, azaptaýdyń zııandy ári «júıeli» dep atalatyn tájirıbesi men kináli tulǵalardyń jaýapkershilikten jaltarýy jalǵasyp keledi degen tujyrym jasalǵan. Ádette, biz mundaı sıpattaǵy málimdemelerge jaýap qatpaımyz, azamattyq qoǵam jáne memleketpen ózara is-qımyl sheńberinde naqty problemalardy birlesip, syndarly túrde sheshýge basymdyq berýdi jón kóremiz. Alaıda «baıandama» eldegi jaǵdaıǵa obektıvti baǵa berýge talpynys bildirip otyrǵandyqtan, qysqasha pikir bildirýge májbúrmin, — dep jazdy A. Lastaev.

Eske sala keteıik, ol buǵan deıin zań balalardy tartyp alýǵa yqpal etýi múmkin degen pikir taza feık ekenin aıtqan edi.