Ombýdsmen azaptaý áreketteriniń aldyn alý máselesin talqylady
ASTANA. QazAqparat - Búgin Qazaqstan Respýblıkasyndaǵy Adam quqyqtary jónindegi ýákil Asqar Shákirovtiń tóraǵalyǵymen azaptaýlardy jáne basqa da qatygez qarym-qatynastyń túrleriniń aldyn alý boıynsha Ulttyq aldyn alý tetigi (UAT) Úılestirý keńesiniń otyrysy ótti, dep habarlaıdy Adam quqyqtary jónindegi ýákildiń baspasóz qyzmeti.
Onyń barysynda 2017 jylǵa arnalǵan UAT qatysýshylarynyń irikteýi ótkizildi, sondaı-aq onyń kezekti jyl saıynǵy baıandamasynyń daıyndyq barysy talqylandy.
Qazaqstan Respýblıkasynyń zańnamasyna jáne halyqaralyq-quqyqtyq mindettemelerine sáıkes, Ombýdsmen janyndaǵy Úılestirý keńesi jyl saıyn UAT qatysýshylaryn - azamattardyń bas bostandyǵyn shekteıtin mekemelerge júıeli túrde barýdy júzege asyrýǵa quzyreti berilgen azamattyq qoǵamynyń ókilderiniń ishinen ǵana irikteıdi.
Ombýdsmen Shákirovtyń aıtýynsha, UAT jumysynyń 3 jyldyq tájirıbesi kórsetkendeı azamattyq qoǵamynyń keń aýqymdy tulǵalaryn bul jumysqa tartýdyń tıimdiligi týraly aıtatyn UAT jymysynda joǵary nátıjeliligin kórsetken buryn jabyq mekemeleriniń baqylaýymen tanys bolmaǵan, biraq quqyqtyq, medıtsınalyq, áleýmettik, psıhologııalyq jáne basqa da mamandyqtarda bilimi bar qatysýshylarynyń birtalaı bóligi.
Talqylaýdyń nátıjesinde Úılestirý keńesimen iriktelgen úmitkerlerden 2017 jylǵa arnalǵan UAT óńirlik toptary quryldy. Sonymen qatar, 2016 jylǵa UAT qatysýshylarynyń jyl saıynǵy jınaqtalǵan baıandamasyn daıyndaý máselesi talqylandy.
