Ombylyq qazaq qyzy Saltanat Medenova bokstan álem chempıony boldy

ASTANA. KAZINFORM – Serbııanyń Nısh qalasynda áıelder arasynda bokstan álem chempıonatynda ombylyq qazaq qyzy, Reseı quramasynyń múshesi Saltanat Medenova jeńimpaz atandy.

Салтанат Меденова
Фото: Ресей бокс федерациясы

S.Medenova 81 kelige deıingi salmaqta túrkııalyq Isıldar Býsramen sheberlik baıqasty.
Birinshi raýndta bes tóreshiniń úsheýi Saltanat basym dep tapty.

Ekinshi kezeńde S.Medenova alǵa umtylyp, judyryq silteýdi ústemeletti – 4:1. Qorytyndy esep te – 4:1.

Osylaısha, S.Medenova álem chempıonatyndaǵy alǵashqy altynyna qol jetkizdi. 
Bul salmaqtaǵy qazaqstandyq Gúlsaıa Erjan 1/8 fınalda-aq jarys jolynan shyǵyp qaldy.
Saltanat osyǵan deıin Reseı chempıonatynda úsh ret top jaryp, ótken jyly BRIKS oıyndarynda da úzdik shyqqan edi.

Eske sala keteıik, budan buryn qazaq qyzynyń úsh márte Reseı chempıony atanǵanyn jazǵan bolatynbyz.

Sondaı-aq Nazym Qyzaıbaı qazaqstandyq boksshylardan alǵash ret úsh dúrkin álem chempıony atandy.

Alýa Balqybekova Qazaqstan qorjynyna ekinshi altyndy saldy. 


Сейчас читают