«Omby-Maıqapshaǵaı» avtojolynda qozǵalys shekteldi

ASTANA. KAZINFORM — Jol 2024 jylǵy 27 jeltoqsan saǵat 07:00–de ashylady, dep habarlaıdy Abaı oblysy Polıtsııa departamenti.

— 2024 jylǵy 26 jeltoqsan kúni saǵat 18:00–den bastap qolaısyz aýa raıy jaǵdaılaryna baılanysty «Omby-Maıqapshaǵaı» avtojolynyń 1087-1103 km ýchaskesinde (Boǵaz aýylynyń burylysy — Shyǵys Qazaqstan oblysynyń shekarasy) dızeldi qozǵaltqyshtary bar qoǵamdyq kólikter úshin qozǵalys ýaqytsha shekteldi. Qazirgi ýaqytta osy ýchaskede kólikterdiń jınalýy tirkelgen joq, — delingen habarlamada.

Qozǵalysty ashýdyń boljamdy ýaqyty — 2024 jylǵy 27 jeltoqsan saǵat 07:00.

Abaı oblysynyń polıtsııasy júrgizýshilerge eskertý jasady.

— Aýa raıy jaǵdaılaryn eskerip, jedel aqparatty qadaǵalańyz jáne saparyńyzdy josparlaý kezinde saqtyq sharalaryn saqtańyz, — dedi vedomstvo.

Buǵan deıin habarlaǵanymyzdaı, búgin on qalada aýa sapasy nasharlaıtyny aıtyldy.