Omarı Tetradze qostanaılyq «Tobyldyń» bas bapkeri bolyp taǵaıyndaldy
QOSTANAI. QazAqparat - Belgili reseılik jáne keńes bapkeri jáne fýtbolshy Omarı Tetradze qostanaılyq «Tobyl» fýtbol klýbymen kelisimshartqa qol qoıdy. Bul týraly «Tobyl» FK baspasóz qyzmetinen habarlady.
«Maman kelisimshartqa qol qoıdy jáne komandany «Ordabasy» quramasymen oınaýǵa daıyndaıdy», - delingen habarlamada.
Habarlamada kelisimshart merzimi bir jarym jyl ekeni atalyp ótildi. «Tobyldyń» jańa bas bapkeri óz mindetterine jaqyn arada kirisedi.
Omarı Tetradze bapker retinde 2006 jyldan jumys isteıdi. Bapkerlik mansabyn «Krylıa Sovetov» quramasynda bastady, keıin reseılik «Anjı», «Volga», «Hımkı» klýbtarynda jáne qazaqstandyq «Jetisýda» bas bapker boldy.
Tetradze Reseı-TMD quramasynda óner kórsetti, 1994 jylǵy álem chempıonatyna, 1996 jylǵy Eýropa chempıonatyna qatysqan.
«Tobylǵa» kelgenge deıin bapker reseılik «Enıseı» (Krasnoıarsk) klýbynda boldy.
