Omarǵalı Baıǵabylov Qostanaı qalalyq máslıhatynyń tóraǵasy bolyp saılandy

QOSTANAI. QazAqparat - Qostanaıda VIII saılanǵan qalalyq máslıhattyń birinshi sessııasy ótti, dep habarlaıdy QazAqparat tilshisi.

Sessııa aldynda qalalyq saılaý komıssııasynyń tóraıymy Sánııa Sháripova jınalǵandardy saılaý qorytyndysymen tanystyryp, depýtattardy saılanýlarymen quttyqtap, depýtattyq kýálik pen tósbelgini tabys etti.
Sessııa jumysyna qala ákimi Marat Júndibaev, memlekettik organdardyń basshylary – bıýdjettik baǵdarlamalar ákimshileri, Qostanaı polıtsııa departamenti jergilikti polıtsııa qyzmetiniń basshysy Talǵat Júsipov, Qostanaı qalasy boıynsha memlekettik kirister basqarmasynyń basshysy Birjan Úsembaev, sondaı-aq BAQ ókilderi qatysty.
Kún tártibindegi negizgi máseleler - Qostanaı qalalyq máslıhatynyń tóraǵasyn saılaý, Qostanaı qalalyq máslıhatynyń turaqty komıssııalaryn qurý, olardyń quramyn jáne Qostanaı qalalyq máslıhatynyń turaqty komıssııalarynyń tóraǵalaryn saılaý.
Birmandatty №2 aýmaqtyq saılaý okrýgi boıynsha «AMANAT» partııasynan depýtat Baıǵabýlov Omarǵalı Qabıuly kópshilik daýyspen Qostanaı qalalyq máslıhatynyń tóraǵasy bolyp saılandy.

Bıýdjet, ekonomıka, basqarý jáne ózin-ózi basqarý jáne áleýmettik máseleler, otbasylyq-demografııalyq saıasat jáne qoǵamdyq birlestiktermen baılanys jónindegi eki turaqty komıssııa quryldy. Birinshi komıssııanyń tóraǵasy bolyp №13 birmandatty aýmaqtyq saılaý okrýgi boıynsha «Aýyl» HDP-nan depýtat Ismaılov Arman Orazalyuly saılandy. Ekinshi komıssııanyń tóraǵasy bolyp №1 birmandatty aýmaqtyq saılaý okrýginen «AMANAT» partııasynan depýtat Kostenıýk Nadejda Vladımırovna saılandy.
Buǵan deıin Qostanaı oblystyq máslıhatynyń tóraǵasy bolyp Saılaýbek Eşanovtyń saılanǵany habarlanǵan bolatyn.