Omar, Marýa, Kórkem: Shymkentte sábılerge qandaı esimder jıi qoıylady
ShYMKENT. KAZINFORM – Jyl basynan beri Shymkentte 20 myńnan astam nárestege týý týraly kýálik berilgen.
«Azamattarǵa arnalǵan úkimet» memlekettik korporatsııasynyń Shymkent qalalyq fılıaly málimetine súıensek, sońǵy jyldary ata-analardyń talǵamy ózgerip, balalarǵa shyǵystyq máni bar ádemi esimder qoıý trendke aınalǵan. Mysaly, qyzdarǵa – Marýa, Hadııa, Aısafı, al uldar arasynda Omar, Ábý Bákir, Ibrahım esimderi tanymal.
Sonymen qatar qazaqı dástúrli esimder de óz mańyzyn joǵaltpaı keledi. Qyzdar arasynda Kórkem, Aıaýlym, Aıkórkem, al uldar arasynda Ertulǵa, Ámire, Daryn esimderi jıi kezdesedi.
– Ár esim – ata-ananyń júrek qalaýynan týǵan erekshe tańdaý. Ol balanyń bolashaqtaǵy beınesin qalyptastyrýda mańyzdy ról atqarady, – deıdi «Azamattarǵa arnalǵan úkimet» memlekettik korporatsııasynyń Shymkent qalalyq fılıalynyń mamany Aınur Tobaeva.
Aıta keteıik, budan buryn Shymkentte jastar saıasaty jáne balalardyń quqyqtaryn qorǵaý basqarmalary qurylatynyn jazǵan bolatynbyz.