Omandaǵy port pen munaı tasymaldaıtyn keme obektilerine dron shabýyl jasady
ASTANA. KAZINFORM — Mýsandarm aımaǵyndaǵy saýda porty men azamattyq kemege jasalǵan, ekıpaj qaýipsiz jerge evakýatsııalandy, dep jazdy Kazinform agenttiginiń Iordanııadaǵy menshikti tilshisi.
Omannyń teńiz qaýipsizdigi ortalyǵy jeksenbi kúni Palaý týymen júretin munaı tasymaldaıtyn Skylight atty tankerge shabýyl jasalǵanyn habarlady. Oqıǵa Mýsandarm provıntsııasyndaǵy Hasab portynyń soltústik jaǵynan shamamen bes teńiz mıli jerde boldy.
Oman bıliginiń málimetinshe, kemede 20 adam — sonyń ishinde 15 Úndistan jáne 5 Iran azamaty bolǵan. Barlyǵy evakýatsııalandy. Tórt adam ártúrli dárejedegi jaraqattar alyp, medıtsınalyq kómekke jetkizildi.
Oman bıligi shabýylǵa kimniń kináli ekenin naqtylaǵan joq.
Sonymen qatar, Oman aqparat agenttigi Dýkm saýda portyna dronmen jasalǵan shabýyl týraly habarlady. Qaýipsizdik salasyndaǵy derekkózdiń málimeti boıynsha, eki dron nysanaǵa tıgen. Biri jumysshylardyń mobıldi jataqhanasyna, ekinshisi janarmaı qoımalarynyń qasynda qulap, materıaldyq shyǵyn keltirmegen.
Oqıǵa saldarynan bir sheteldik jumysshy jaraqat aldy.
Osy jaǵdaıǵa baılanysty AQSh-tyń Omandaǵy elshiligi qyzmetkerleri men azamattaryna «Maskattan tys belsendilikke» baılanysty qaýipsiz jerlerge barýdy usyndy.
Bul oqıǵalar Iran, Izraıl jáne AQSh arasyndaǵy sońǵy shabýyldardan keıin Parsy shyǵanaǵy óńirindegi shıelenistiń jalǵasyp jatqan kezeńinde boldy.
Eske sala keteıik, buǵan deıin Oman Parsy shyǵanaǵy elderi arasynda Irannyń soqqylarynan zardap shekpegen jalǵyz memleket ekeni habarlanǵan bolatyn.
