Omanda jartasqa qashalǵan kóne sýretter tabyldy
ASTANA. KAZINFORM – Omannyń Soltústik ál-Batına provıntsııasynda sırek kezdesetin petroglıfter – kóne jartastaǵy sýretter tabyldy. Bul eldegi jańa arheologııalyq nysanǵa aınaldy, dep habarlaıdy TV BRICS telearnasy.
Tabylǵan jádigerler – betine adamǵa, janýarlarǵa jáne geometrııalyq pishinderge uqsas beıneler qashalyp salynǵan tastar.
Mınıstrlik málimetinshe, bul jańalyq Omandaǵy arheologııalyq nysandardy anyqtaý jáne saqtaý boıynsha júrgizilip jatqan jumystar aıasynda ashylǵan.
Mundaı oljalar ǵalymdardyń ejelgi dáýirdegi adamdardyń turmys-tirshiligi men sol kezeńdegi tabıǵı jaǵdaılar týraly túsinigin keńeıte túsedi.
Qazir mamandar nysandy zertteýdi jalǵastyryp jatyr. Sonymen qatar eskertkishtiń tarıhı jáne týrıstik qundylyǵyn arttyrý maqsatynda ony saqtaý jáne qalpyna keltirý sharalary qolǵa alynǵan.
Mamandardyń pikirinshe, bul nysan Omannyń baı mádenı murasynyń mańyzdy aıǵaqtarynyń biri sanalady.
Aıta keteıik, buǵan deıin Mańǵystaýda Rım dáýirimen baılanysty kóne qala tabylǵanyn jazdyq.
Al AQSh-ta dınozavrlar qyrylǵan kezeńde tirshilik etken atjalman qańqasy tabyldy.
