Omanda túıeler baıqaýynan 20 janýar shettetildi
ASTANA. KAZINFORM – Oman Sultandyǵynyń Ál-Mýsanna ýálaıatynda ótken Camel Beauty Show 2026 festıvalinde 20 túıe kosmetıkalyq aralasý belgileri anyqtalǵannan keıin jarystan shettetildi, dep habarlaıdy Kazinform agenttiginiń menshikti tilshisi.
Daily Mail basylymynyń jazýynsha, baıqaý veterınarlary janýarlardyń syrt kelbetine jasandy ózgerister engizilgenin anyqtaǵan. Osyǵan baılanysty atalǵan túıelerdiń shoýǵa ári qaraı qatysýyna tyıym salyndy.
Parsy shyǵanaǵy elderinde túıe sulýlyǵy baıqaýlary mádenı jáne tarıhı murany aıshyqtaıtyn mańyzdy shara sanalady. Aımaqtaǵy túıe festıvalderiniń júlde qory ondaǵan mıllıon dollarǵa deıin jetýi múmkin.
Buǵan deıin Saýd Arabııasynda túıelerge arnaıy pasport engizý josparlanyp otyrǵany habarlanǵan edi.
Eske sala keteıik, 2025 jylǵy qyrkúıekte Qazaqstanda «Álemdegi eń úlken túıe kerýeni» atty biregeı mádenı is-shara ótip, álemdik rekord ornatýǵa talpynys jasaldy.