Omanda alǵash ret mýnıtsıpaldy saılaýlar ótýde
ASTANA. 23 jeltoqsan. QazAqparat - Búgin Oman sultanatynda alǵash ret jergilikti basqarý organdaryna saılaýlar ótip jatyr.
Bul týraly QazAqparattyń arnaýly tilshisi habarlady.
«ONA» aqparattyq agenttiginiń málimetine sáıkes, túske deıin saılaý ýchaskelerine 546 myńǵa jýyq omandyq keldi, muny úkimettik BAQ-tar «jaqsy» kórsetkish dep baǵalaýda.
Mandattarǵa úmitker barlyq 1475 adam, sonyń ishinde 46 áıel táýelsiz kandıdattar retinde tirkeldi. Sebebi, Omanda saıası partııalarǵa tyıym salynǵan.
Saılaýlar nátıjesi boıynsha tikeleı bıligi joq, biraq konsýltatıvtik ókilettik berilgen mýnıtsıpaldyq keńesterdiń 192 múshesi anyqtalady dep kútiledi.
Buǵan deıin mýnıtsıpaldyq keńes tek el astanasy - Mýskatta ǵana jumys istedi. Onyń músheleri monarhpen taǵaıyndaldy. Oman sultanatynda basqarýshylyq formasy boıynsha - absolıýttik monarhııa, onyń basshylyǵynda 1970 jyldan beri Sultan Kabýs ben Saıd Albýsaıd otyr.
Óńirlik sarapshylar búgingi saılaýlardy sultanat bıliginiń halyqqa qaraı jasaǵan qadamy retinde baǵalaıdy. Óıtkeni, «arab kókteminiń» jańǵyryǵy Omanǵa da jetti. Onda ótken jyldyń aqpan aıynda úkimetke qarsy jıyndar ótti. Soltústiktegi Sýhar qalasynda demonstranttar men polıtsııanyń qaqtyǵysynan eki adam qaza tapty.
