Oman Týrynyń 4-kezeńi: «Astana» veloshabandozy jeńiske jetti
ASTANA. QazAqparat - «Astana» komandasynyń veloshabandozy Magnýs Kort «Oman Týrynyń» 4-inshi kezeńinde jeńiske jetti, dep habarlaıdy «SPORTINFORM» SAA klýbtyń saıtyna silteme jasap.
Belgııalyq veloshabandoz Greg Van Avermat jalpy esepte kóshbasshy bolyp qalýda. «Astananyń» taǵy bir múshesi Alekseı Lýtsenko 2-inshi orynǵa ornalasyp otyr.
Al «Astana» komandasynyń kezekti ókili Mıgel Anhel Lopes tórtinshi kezeńnen keıin eń úzdik jas veloshabandoz klassıfıkatsııasynda top jardy.
Erteń, 17 aqpan kúni «Oman Týrynyń» sońǵy kezeńi ótedi. Jalpy qashyqtyǵy - 152 shaqyrym, veloshabandozdar «Jasyl Taýǵa» deıin kóterilýi tıis bolady.
