Oman Sultany Memleket basshysyna alǵys aıtty
ASTANA.KAZINFORM – Oman Sultany qonaqjaılyq tanytqany úshin Memleket basshysyna alǵys aıtty. Bul týraly Aqorda habarlady.
– Keıingi otyz jyldan asa ýaqyt ishinde qarym-qatynasymyz aıtarlyqtaı ilgerilep, nyǵaıa tústi. Búgingi kezdesýimiz qol jetkizilgen nátıjelerdi bekemdep, ekijaqty baılanystardy jańa deńgeıge kóteredi. Sapar aıasynda ózara túsinistik jónindegi birqatar kelisim men memorandýmǵa qol qoıamyz. Sizdiń qoldaýyńyzben ekonomıka, saıası jáne mádenı-gýmanıtarlyq salalarda berik baılanys ornatamyz dep senemin. Biz eki el arasyndaǵy barys-kelistiń artýyna múddelimiz. Prezıdent myrza, jyly qarsy alǵanyńyz úshin taǵy da alǵys aıtamyn. Ózińizben jaqyn arada Maskat qalasynda júzdesemiz dep oılaımyn, – dedi Haısam ben Tarıq Ál Saıd.
Aıta keteıik, Qasym-Jomart Toqaev Táýelsizdik saraıynda Oman Sultanyn qarsy aldy.
Prezıdent Qasym-Jomart Toqaev pen Oman Sultany Haısam ben Tarıq Ál Saıd shaǵyn quramda kelissóz júrgizdi.
