Oman Ormýz buǵazynda ýaqytsha dáliz ashty
ASTANA.KAZINFORM - Oman Halyqaralyq teńiz uıymymen (IMO) úılestire otyryp, Ormýz buǵazy arqyly ýaqytsha teńiz dálizin qurǵanyn jarııalady, dep habarlaıdy Gulf News.
Ýaqytsha dálizge IMO jáne Oman bıligi jarııalaǵan koordınattar boıynsha barlyq keme kire alady.
Oman bul sheshim buǵazdyń halyqaralyq saýda, jahandyq energetıkalyq aǵyndar jáne jalpy ekonomıka úshin mańyzdylyǵyn moıyndaý maqsatynda qabyldanǵanyn málimdedi.
Málimdemege sáıkes, bul bastama jaqynda jasalǵan dıplomatııalyq kúsh-jiger men AQSh jáne Iran arasyndaǵy qol jetkizilgen kelisimderge sáıkes keledi.
Málimdemede sondaı-aq Sultanattyń halyqaralyq quqyq pen teńiz quqyǵyna berilgendigi rastaldy. Bul buǵaz arqyly tranzıttik alymdarsyz júzý erkindigine kepildik beredi.
Oman ýaqytsha baǵyttyń barlyq keme úshin qoljetimdi bolýyn qamtamasyz etý jáne osy strategııalyq mańyzdy sý joly arqyly qaýipsiz jáne rettelgen tranzıtti qoldaý úshin IMO-men úılestirý jumystaryn júrgizdi.
Esterińizge sala keteıik, Iran buǵan deıin Ormýz buǵazynda qaqtyǵys boldyrmaý úshin baılanys arnasyn qurýǵa kelisken bolatyn.
