Oman men Iran Ormýz buǵazy boıynsha kelissózderdi jalǵastyrýǵa kelisti
ASTANA. KAZINFORM – Oman men Iran delegatsııalary Maskatta ótken kezdesýde Ormýz buǵazyndaǵy keme qatynasy máselesi boıynsha kelissózderdi jalǵastyrýǵa ýaǵdalasty, dep habarlaıdy BELTA.
Oman Syrtqy ister mınıstrliginiń X áleýmettik jelisinde habarlaýynsha, taraptar Ormýz buǵazyndaǵy keme qatynasy men onyń qaýipsizdigin sońǵy oqıǵalar aıasynda talqylady.
– Búgin Maskatta Oman men Iran arasynda Ormýz buǵazyndaǵy keme qatynasy jáne onyń qaýipsizdigi máseleleri boıynsha kelissóz ótti. Taraptar halyqaralyq quqyq normalaryna sáıkes qajetti kelisimderge qol jetkizý úshin tehnıkalyq jáne saıası deńgeıdegi talqylaýlardy jalǵastyrýǵa kelisti, – delingen mınıstrlik habarlamasynda.
Kelissózderge Oman delegatsııasyn Syrtqy ister mınıstri Badr ál-Býsaıdı, al Iran delegatsııasyn Syrtqy ister mınıstri Abbas Arakchı basqardy.
Axios basylymynyń málimetinshe, Maskattaǵy kelissózderge Katar delegatsııasy da qatysqan.
Aıta keteıik, Tramp ózine Iran qastandyq jasasa, tutas eldi joıyp jiberetinin málimdedi. Sondaı-aq AQSh tarapy Ormýz buǵazy ashyq turýy tıis degen talap qoıyp otyr.
