Oman buǵazynda eki munaı tankeri shabýylǵa ushyrady
NUR-SULTAN. QazAqparat - 13 maýsym, beısenbi kúni Oman buǵazynda eki munaı kemesi shabýylǵa ushyrady. Bul týraly Press TV telearnasy habarlady.
Irandyq BAQ kemeler júrgen aımaqtan jarylystyń daýsyn estigenin málim etti. Pákistan men Omannyń teńiz aılaqtary tankerlerdiń shabýylyna ushyraǵan ekıpajdardan apat sıgnalyn alǵan.
Munaı tankerine torpeda jiberilgen, al taǵy bir tanker magnıtti mına jarylysynan zaqymdalǵan. Eki keme de janyp jatyr, dep habarlady Reuters agenttigi.
Jýrnalısterdiń aqparaty boıynsha, torpeda Front Altai atty janyp jatqan tankerge dál tıgen. Ekinshi keme Kokuka Courageous dep atalady. Kemelerdiń biri Norvegııaǵa tıesili ekeni belgili bolyp otyr.
Qurbandar men zardap shegýshiler týraly aqparat ázirge túspedi.
Foto: REUTERS
