Oljas Súleımenovtiń mereıtoıyna arnalǵan «Ult ıgiligi – ulttyq mura» ádebı kórmesi ashyldy
AQTAÝ. KAZINFORM – QR Ulttyq kitaphanasynda kórnekti aqyn, memleket jáne qoǵam qaıratkeri Oljas Súleımenovtiń 90 jyldyq mereıtoıyna arnalǵan saltanatty kesh ótti. Іs-sharaǵa aqyn-jazýshylar, memleket jáne qoǵam qaıratkerleri, zııaly qaýym ókilderi men kitaphana oqyrmandary qatysty. Bul týraly Mádenıet jáne aqparat mınıstrligi habarlady.
Mereıtoı aıasynda «Ult ıgiligi – ulttyq mura» atty keń kólemdi ádebı kórme uıymdastyryldy. Kórmede Oljas Súleımenovtiń shyǵarmashylyq murasy, alǵashqy basylymdary, sondaı-aq aqynnyń ómiri men qyzmetine arnalǵan merzimdi baspasóz jarııalanymdary usynyldy.
Sonymen qatar ár jyldary jazylǵan týyndylardy qamtyǵan «Knıga poem» atty jınaqtyń tusaýkeseri ótti. Jınaqta avtordyń ýaqyt, qoǵam, tarıh jáne adam taǵdyry týraly tolǵamdary kórinis tapqan.
Іs-shara sońynda aqynnyń ómiri men shyǵarmashylyq jolyna arnalǵan rejısser Igor Gonopolskııdiń «Lıýdıam ıa ne lgal…» derekti fılmi kórsetildi.
Aıta keteıik, budan buryn Qazaqstandaǵy kitaphanalar 240 myńnan astam ádebıetpen tolyqqanyn habarlaǵanbyz.
