Oljas Súleımenovtiń 75 jyldyǵyna arnalǵan halyqaralyq týrnırde Qazaq ulttyq agrarlyq ýnıversıtetiniń komandasy jeńimpaz atandy
ALMATY. 18 mamyr. QazAqparat /Erlik Erjanuly/ - Búgin Almatyda voleıboldan ardagerler arasyndaǵy 6-halyqaralyq týrnır óz máresine jetti.
Qazaqtyń ultyq agrarlyq ýnıversıteti uıymdastyrǵan dástúrli bul báseke bıyl Oljas Súleımenovtiń 75 jyldyǵyna arnaldy. Oǵan Qazaqstan, Ózbekstan jáne Reseı elinen komandalar qatysqan bolatyn. Aqtyq synda quramynda mereıtoı ıesi óner kórsetken jarys qojaıyndary Taldyqorǵannyń «Jetisý» komandasyn 2:0 esebimen utyp, týrnır jeńimpazy atandy. Mundaı esep 3 oryn bolǵan oıynda da tirkeldi. Onda Almatynyń «Pıramıdasy» Pavlodardyń «Ertisinen» basym tústi. Jalpy bul dúbirli doda mamyrdyń 16-sy kúni bastalǵan bolatyn.
