Oljas Súleımenov Japonııa úkimetiniń ordenimen marapattaldy
Atalǵan orden Astanadaǵy Japon ımperatory Ahıkıtonyń týǵan kúni qurmetine uıymdastyrylǵan Japonııa elshiliginiń saltanatty qabyldaýy aıasynda tabys etildi.
Japonııanyń Qazaqstandaǵy elshisi Itıro Kabavata qonaqtardy Japonııa men Qazaqstan arasynda ornatylǵan dıplomatııalyq qarym-qatynastardyń 25 jyldyǵymen quttyqtady jáne eki eldiń beıbitshilik pen ıadrolyq qarýsyzdaný jolynda birlese qyzmet etip kele jatqandaryn atap ótti.
«Bıyl Japonııa men Qazaqstan BUU Qaýipsizdik keńesiniń turaqty emes músheleri retinde beıbitshilik pen halyqaralyq qaýymdastyqtyń qaýipsizdigi jolynda birlese qyzmet atqarýda. ıAdrolyq qarýsyzdaný men ıadrolyq qarýdyń taratylmaýy Qazaqstan men Japonııa qatynastarynyń negizi bolyp tabylady. Sondyqtan Japonııa Úkimeti «Nevada-Semeı» halyqaralyq ıadrolyq qarýǵa qarsy qozǵalystyń Prezıdenti Oljas Súleımenovti ıadrolyq qarýdy taratpaý salasyndaǵy yntymaqtastyq arqyly eki el arasyndaǵy dostyq qatynastardyń damýyna zor úles qosqany úshin Japon úkimetiniń «Kúnshyǵys, Altyn shýaq ordenimen» marapattaldy», - dedi Itıro Kabavata Astanada ótken Japonııa elshiliginiń qabyldaýynda.
Óz kezeginde Oljas Súleımenov Japonııaǵa degen sheksiz qurmetin jetkizdi.
«Men Qazaqstanda jáne Eýropada Japonııa elshilikteriniń túrli qabyldaýlarynda boldym. Al búgin birinshi ret ordenmen qaıtqaly turmyn. Japonııaǵa birneshe ret saparlap barǵanmyn, alǵash barǵan sátten beri japon halqyn, japon mádenıetin, onyń úlken zııatkerlik jáne rýhanı áleýetin erekshe qurmetteımin», - dep atap ótti Oljas Súleımenov.
Atap ótken jón, Oljas Súleımenov - Japonııanyń marapatyn alǵan úshinshi qazaqstandyq.
2008 jyly Qazaqstan Prezıdenti Nursultan Nazarbaev «Úlken lentadaǵy Hrızantema ordenimen» marapattalsa, 2006 jyly - Qazaqstandaǵy japon tutqyndardyń zıratyn izdeýmen aınalysqan tarıhshy Asqanbek Aldanazarov «Kúnshyǵys, Altyn shýaq ordenimen» marapattalǵan.
