Oljas Súleımenov: Astana protsesi - Qazaqstan úshin tarıhı oqıǵa

ASTANA. QazAqparat -  Astana protsesi Sırııa máselesin sheshýge aıtarlyqtaı úles qosyp, aımaqta beıbitshilik týynyń jelbireýine sebep bolady. Bul - Qazaqstan úshin tarıhı oqıǵa, deıdi qoǵam qaıratkeri Oljas Súleımenov.

Oljas Súleımenov Astana protsesiniń taraptar úshin mańyzdylyǵyna toqtalyp, ǵalamdyq deńgeıdegi kelissózdiń elordada uıymdastyrylýyn tarıhı jetistik dep atap ótti, dep jazady Habar 24.

«Astananyń osyndaı salmaqty, álemdik qaýipsizdikke qatysty kelissóz ordasy retinde tańdap alynýy tegin emes. Sebebi Qazaqstannyń júrgizip otyrǵan saıasaty beıbitshilikke úndeıdi. Aımaqtyq qaýipsizdik máselesine qatysty araǵaıyndyq tanytyp otyrǵan Astananyń osy kelissózden keıin tanymaldyǵy artyp, bedeli kóteriledi», - deıdi qoǵam qaıratkeri.

«Bul protsestiń ótýiniń ózi - úlken jeńis, sebebi túrli toptardyń bir ústeldiń basyna jınalyp, kelissóz júrgizýge keliskeni úlken úmitke jeteleıdi. Osynda bas qosatyndar bir sheshimge keledi degen senimdemin. Bul protseste ár taraptyń múddesi eskeriledi degen úmit basym», - dep qorytty sózin O. Súleımenov.